近日, 發覺為何我在星期四/星期五由保母家接孩子回家時, 家姐(六歲)總是對細佬有極大的厭惡感覺; 不是口中不斷投訴細佬(三歲) 好曳, 甚至細佬在途中跟我說話(也不是特別大聲), 唱歌, 她也會投訴細佬好嘈….
有趣的是, 這些情況在星期一至三由公公揍他們, 或星期六及日在家是不會發生的… 我的意思是, 雖然他們仍偶有吵架或爭玩具, 但整體上他們是較為和氣和融洽的, 這個狀況就令我想起以往孩子交由保母家在周日全面照顧時, 我在地鐵接孩子回家時, 最難挨的時間就是由接他們至回家之後一段時間; 因為他們總是好像貼錯門神的, 特別是家姐對細佬; 總是裝出一張討厭的面容, 細佬因為家姐的反應, 也因而對家姐不甚友善! 但由周五到周日, 他們兩姐弟的關係又會慢慢的改善, 變得十分和諧呀….兩姐弟玩得十分投契, 家姐更對細佬禮讓有加, 有時甚至主動幫助細佬, 細佬亦會對家姐亦十分有禮及尊重。
我們對此一直甚為不解, 不明白為什麼會如此? 而且, 在這些日子, 家姐還常常會跟我說, 「如果我做細果個就好啦… 佢可以XXXX」…
接觸過「正向管教」的理念後，我們心中開始有一些想法; 會不會是大人的處理手法構成了一個關鍵的影響?
有一晚，家姐在回家途中又出現上述狀況，外子問家姐; 「你地係阿姨(他們是如此稱呼保母的)度有無爭野呀?」
家姐回應「有呀, 細佬爭左我個XXX…佢好曳呀…」
由於我心中已有一個想法, 故我亦想藉此機會證實一下是否屬實, 故我再問她
「咁點呀? 阿E有無叫你地唔好爭呀?」
家姐回應「阿E無話細佬, 佢淨係叫我玩過第二D野…」
我再問「咁你點呀? 有無好嬲細佬呀?」
家姐「細佬好曳呀….」
我說「咁你當時想唔想俾果樣野細佬玩架?」
家姐「我玩先架, 佢搶我架…我以後都唔俾D野佢玩啦..」
我說「呀…平時呢, 你地係屋企咪都有爭野既…」
想了一會, 回應「係呀..」
「咁媽媽有無叫你一定要讓俾細佬玩架?」
她搖搖頭…
「咁果時你會唔會嬲細佬架?」
她想了一想, 回應一句「少少啦…」
「有無宜家咁犀利呀?」
她又想了一想, 在搖頭…
.
.
.
.
.
(侍續)
(本來想將全篇拙作張貼於此, 由於FORUM系統限制, 未能POST出超過1000字的文章, 請見諒!
全文及我們透過此事的反思及得著請瀏覽以下網址)
http://hk.myblog.yahoo.com/ppkhoo@ymail.com/article?mid=912&prev=930&next=906
|
發表於 2011-4-27 11:15
|