家長同學會 - Powered by Discuz! Board

標題: 囝囝唔開心 [打印本頁]

作者: anniedick1012 時間: 2009-4-24 14:53 標題: 囝囝唔開心

三日前, 囝囝突然紅著眼睛同我講:"我好唔開心呀, 在學校裡無小朋友同我玩."

於是我問佢點解. 佢答: "xxx 佢好naughty, 搶我玩具, 我想玩佢那些玩具, 佢又唔比我. 我無任何玩具玩, 只係坐在位上..."

我答佢:"你可以同其他小朋友玩. 點知佢話:"老師不準佢地離開位, 唔可以..."

我同佢講:"你有無無同老師講呀?

佢就無耐性地答我:"唔知呀, 唔講啦..." 眼睛在流眼淚... 跟著說:"點解xxx 可以

0甘 naughty?"

我當時有些手足無措! 因為無法想像到一個三歲讀 K1 小朋友會有那樣反應...我都不太開心...如果問題在你的小朋友身上發生, 你會點做? 如果同老師講會不會有些小題大做? 我又可以如何安慰囝囝呢!

Thanks in advance

作者: alisoncheung 時間: 2009-4-24 21:05

你好 , 我囝囝 K2 時都有相同的問題 , 小息時佢都有同老師講冇小朋友同佢玩 . 其實據他老師說佢哋呢個年幾都未係好識互相嬉戲的. 但係老師都有帶佢去找其他同學仔一齊玩 . 不過這個情形都會時不時發生 , 直到佢哋揾到自己的 playmate, 咁就會好 D. 你也可以想吓 , 其實你細個時都會遇過 , 什至而家响公司都會有小圈子啦 . 我會教囝囝呢個唔同你玩你就到問吓其他小朋友可唔可以同你玩囉 . 佢而家就算去到遊樂場都會周圍問人可唔可以同人玩嫁 . 不過我都會讚成你和老師說囝囝唔開心 , 因為响學校只有老師可以幫到佢 , 佢一定要學吓 develop 自己的社交 , 不是回家不開心就可以解決問題的 . 我唔知你囝囝學校的上課習慣, 我囝囝學校係好似小學咁, 小息先可以自由活動, 不時上堂係要坐在坐位上聽書. 不過我很慶幸囝囝 K2 個班主任很好很有經驗 , 而囝囝都好會揾人幫 , 或都佢天生樂觀 , 就算唔開心 , 一陣就冇事 . 不過小朋友由 K1 開始就會自己 define 邊個係自己朋友 , 邊個唔係 , 都幾有趣 , 或者呢 D 就係大人所話的人夾人緣啦 .

今日我囝囝放學回來話我知佢今日和某某"卒之"做咗好朋友喎 , 而呀某某係日日都和囝囝狗咬狗骨不相百重的同班同學 . 所以你囝囝的唔開心好快會冇事 , 唔駛擔心喎 .

作者: jacko 時間: 2009-4-24 23:56

Annie, 您好。對不起，因為平日十分忙碌，所以通常只有睡前或假日才能抽到時間，跟各位談談天。

仔仔肯跟您說出他的情況，其實是一個很好的表現。因為我見到仔仔很信任他的媽媽，跟媽媽的關係亦很好。我想，您一定是一位很好的媽媽

看見小朋友哭的時候，您一定很心痛了。不用擔心，如果下一次小朋友不願說話，只是在哭，我們不妨可以試試，攬著小朋友﹝攬久一點﹞，不用說話﹝不用說「不要哭了」﹞。這樣，仔仔自然感受到媽媽的關心。我明白媽媽很愛小朋友，想快點知道究竟發生什麼事。但小朋友那麼不開心，很難繼續告訴媽媽的。待小朋友心情平伏了，小朋友自然願意告訴媽媽發生什麼事了。

正如Alison 所說，學習跟其他小朋友相處，是小朋友的必經階段。相信大部分老師在幫助小朋友社交發展方面，都有很豐富的經驗。跟老師談一談小朋友的情況，相信老師一定樂意幫忙的。

如果Annie您也想幫一幫小朋友的話，也許可以在平日製造多點機會，讓仔仔跟其他小朋友相處。例如帶小朋友到公園玩；仔仔生日時，舉辦一個生日會，並邀請仔仔的朋友仔和同學仔參加；相約其他同學仔的家長，放學後帶小朋友到家中玩等等。所謂「工多藝熟」，只要您的仔仔「日子有功」，相信也可以跟Alison的仔仔一樣，慢慢認識到一些好朋友的。

歡迎光臨家長同學會 (http://eparent.school.hk/forum/)