家長同學會 - Powered by Discuz! Board

標題: 我的兒子很內向及害羞 [打印本頁]

作者: vinuschan 時間: 2010-9-28 12:36 標題: 我的兒子很內向及害羞

我的兒子三歲多了, 每去一處地方都要我跟著他, 縱使一個已經很熟識的地方, 例如每個星期日返主日學, 已經返了一年多, 已經很熟悉主日學的姨姨了, 但每次入去課室也嚷著媽媽一齊入, 否則便哭過不停, 當然我可以讓他哭, 他知哭我也不入課室便不再哭了, 之不過我又不想影響其他小朋友及老師上堂, 每次也要勞煩主日學姨姨抱起他走去另一個角落安撫他十分鐘才收聲, 真是不好意思了, 我已經常常解釋他三歲了, 大個仔, 要自己入課室"玩", 他也看見其他小朋友也沒有父母一齊入課室, 之不過, 他也不理會我的說話繼續扭著要我一齊入課室, 我試過找工人姐姐帶他返主日學, 情形一樣, 他捉住姐姐隻腳大哭叫姐姐一齊入課室, 去邊處也是哭著要"一齊入", 有咩方法增強他的社交能力及自信心呢?

作者: ethanson 時間: 2010-9-28 14:48

叫他選一張他喜歡的你或一家人的相片, 打印出來(around 2R size), 套入膠套又或過膠, 然後當他要自己一個入課室時, 你給他拿著, 告訴他: "課室規定(要強調此點)媽咪不可以陪你入去, 不過你拿著相片, 就等於媽咪/爸爸陪住你上堂, 你好勇敢, 好叻仔可以自己去上堂, 我愛你, 我會坐在課室外等你下課."

但想問他有返幼稚園嗎? 亦是不肯入課室?

作者: vinuschan 時間: 2010-9-28 16:08

謝謝你的提議! 今個星期日我會試叫他拿著我的相片一齊入課室, 見相如見媽咪, 睇睇得唔得, 下星期一向你報告. 其實早前我也試過給他我的外套, 叫他好好幫我看管, 我現在去洗手間, 去完好快返入來, 但他一聽到我要出去便即刻大哭起上來. 他返幼稚園是沒有太大問題, 都有哭不過只是扭幾聲便入了課室, 但是上其他興趣班, 主日學 (已很熟悉的) 等就聲淚俱下, 哭到很厲害堅持要舟一齊了, 但是上堂過了一會兒, 我從門口望入去, 他是很開心很投入上堂的, 只不過在上堂的初段時間一入對分離很焦慮. 謝謝!

作者: vinuschan 時間: 2010-9-28 16:20

謝謝你的提議! 今個星期日我會試叫他拿著我的相片一齊入課室, 見相如見媽咪, 睇睇得唔得, 下星期一向你報告. 其實早前我也試過給他我的外套, 叫他好好幫我看管, 我現在去洗手間, 去完好快返入來, 但他一聽到我要出去便即刻大哭起上來. 他返幼稚園是沒有太大問題, 都有哭不過只是扭幾聲便入了課室, 但是上其他興趣班, 主日學 (已很熟悉的) 等就聲淚俱下, 哭到很厲害堅持要我一齊入去, 但是上堂過了一會兒, 他哭夠了, 我從門口再望入去, 他是很開心很投入上堂的, 又舉手又跟住唱歌, 只不過在入課室時對分離很焦慮很擔心, 我已經之前給了他很多讚賞及鼓勵的說話, 但他擔心媽媽不在課室外面呀! 謝謝!

作者: beauty 時間: 2010-9-29 01:14

Vinus, 我想我也明白妳的感受! 我也關心妳這位小人兒! 我也認同有些事他是要學習, 但也很理解小朋友對媽媽陪伴身旁的渴望。返學的日子已是自己去上, 還要去上興趣班, 主日學...或許試試向他表達妳明白及認同他的感受, 跟他傾下, 好讓他學習處理自己的感受和情緒。而當情緒處理了, 講理也得心應手些。不過, 不同的小朋友可要用不同的對策, 這只是我跟小兒的做法吧(他剛四歲了)。

作者: vinuschan 時間: 2010-9-29 11:22

thank you Beauty. 我不得不承認我兒子是個極度敏感, 害羞, 內向, 沒有自信的男孩子 (老師也是這樣說), 他返的興趣班, 主日學其實都是與其他小朋友一起"玩", 唱歌, 跳舞聽故事而已, 而不是要坐定定讀書寫字的那般沉悶, 時間未能改變他的行為, 一年多時間了, 不是一個短的日子, 差不多每個星期日都有返, 相同地方, 相同姨姨, 相同小朋友, 但他每次進入課室都仍是要大哭大鬧嚷著要我一起入課室, 大哭大吵十多分鐘才能投入上堂, 我真的不知道原因, 問他有關主日學上課事宜, 他又很開心講同唱歌給我聽, 但為何每次仍要很嘈吵才能安靜地上堂呢? 雖然主日學的姨姨很好, 沒有投訴, 不過每個星期日都要勞煩她們安撫我的兒子, 心感不安及不快, 不快是眼見其他新加入的小朋友, 只有二, 三歲, 比他還小, 也可以開開心心自己入課室, 我知道小朋友是有個別差異, 不要比較, 不過我已經用過不同的對策了, 軟硬兼施, 同他講過數十次, 他明明說"我做得到", 到了入課室那一刻, 他又"哭"了! 之前同他所講的道理都完全忘記了.

作者: s1006787 時間: 2010-9-30 09:08

我看過eparent處境劇講過有個小朋友返了幼稚園兩個幾月, 入課室前都會喊, 不想和媽媽分離, 令到媽媽沒有辦法。經指導後, 她媽媽跟她說: [我會在門口等妳放學, 媽媽而家擁抱妳, 妳想媽媽擁抱妳一下還是兩下?], 小朋友當然說兩下喇, 跟著媽媽便離開。可能這方法不是對每個小朋友都成功, 不過可以試吓。

作者: iklj06 時間: 2010-10-2 00:24

是否"分離焦慮症"

作者: vinuschan 時間: 2010-10-5 11:27

剛過去的星期日我叫兒子拿著我的相片一齊入課室, 掛住媽媽就看相片吧, 媽媽在課室門口等你, 上完堂課室門一開, 你便一定見到媽媽了, 他聽完後仍是大哭大鬧嚷著 "媽媽一齊入課室", 他根本就不理會我講的說話. 我基於不想騷擾主日學的姨姨及同學仔, 我就範了, 縱使我入了課室, 他也時時望住我, 看看我有沒有離開, 點算好? 他太依賴了!!! 我知道這是"分離焦慮症", 我之前用過很多不同方法了, 也是沒有用, 他根本不理會我的說話, 我不知何解, 我從來沒有遲到接他放學, 為何他去到邊處都說 "驚媽媽會走, 唔係門口等我呀?" 他是十級分離焦慮症 , 如何根治呢? :=(

作者: s1006787 時間: 2010-10-6 09:06

Vinus,

妳囝囝的問題確實對妳有很大的困擾, 因為已經一年幾都是這樣。我想除了"分離焦慮症"外, 會否妳囝囝自小在家或外出都太倚賴妳? 可否嘗試找一些機會傭人/長輩在家照顧他而妳出外走走, 盡量多些機會給他知道媽媽不會每一刻都陪伴左右。久而久之希望他習慣了這個模式會令他有所改變。

作者: paper 時間: 2010-10-6 14:40

哈哈...大家好,我係一個教畫畫既老師黎既,之前教過兩個小學@@ 所以見過都５少小朋友....其實我有學生都好似你仔仔咁既情況....不過系女仔,,,我個人見解, 系你小朋友太過依賴,而且平時好少同其他小朋友接觸,或姐系家長太過保護小朋友而做成,我之前試過去一個小朋友,而家仲係我既學生黎,今年升K3. 女仔黎, 好無奈...第1次我上佢屋企教佢既時后, 佢喊左一個半鐘冇停過....唔肯比我教, 當時媽咪5系屋企, 得兩個工人姐姐系度..... 最後. 要兩個工人姐姐扮小醜去哄佢笑..... 但系仍然未肯上堂, 聽返先知...原來晴晴系未試過有上門既老師教佢...而且平時真系得果兩三個朋友,仲要系媽咪搵返黎... 小朋友接觸外界事物太少, 當第一次接觸就會發生好多問題
其實如果你果個系仔仔, SUGGEST你去幫仔仔報D社區中心活動 (當然系要佢有興趣的) 頭幾次坐系度陪佢...之後可以放手由佢去識下朋友仔.

作者: vinuschan 時間: 2010-10-6 17:40

s1006787 and Paper, thanks for your words. 我仔仔的問題的確令我很頭痛, 去到邊處都要我一齊, 尤其是去一些室內地方, 一定哭嚷著"媽媽一齊入課室" (不過每天返學又沒有問題). 其實這年我已經常帶他去很多不同地方見不同人和物, 參加"幼兒社交班"增強他自信, 廣闊他的生活圈子, 可惜一年時間他的性格仍是害羞內向慢熱, 人家問他問題他不作任何回應, 我亦試過S1006787的提議, 找工人姐姐代勞帶他返已返一年多的主日學, 結果仍是一樣, 大哭大叫"姐姐一齊入課室", 我兒子自小都是倚賴我和工人姐姐的, 不過近年我們已經學識放手了, 去別人地方時, 盡量給別人看管他 (不過也是親人居多, 如姑媽, 公公婆婆家等), 或者我嘗試找其他外人 (他熟識的姨姨) 帶他返主日學或其他興趣班, 試試結果又如何? 不過我怕他仲提早哭, 未入課室, 我把他交給姨姨時他已嚷著叫我了!!! :-(

作者: paper 時間: 2010-10-6 18:14

^^ 呢位媽媽.... 其實呢個情況真系好常見咖.... 真系試下狠心d試下佢喊5好理佢...比佢試下學下咩叫獨立,
我細個果時仲比你仔仔更利害,媽咪5系我身邊我就喊到7彩....不過媽咪以前成日一見我喊就打我.....成效幾好,但系而家呢個年代5同曬咖啦, 只系可以講...媽咪過份保護, 小朋友就會5識成長, 媽咪可以試下另一個方法增加仔仔自己既信心, 我教畫對住呢d學生都系用呢個方法,試下佢做完一件事出黎多d讚佢, 如果人地問佢野佢5彩人,就要教識佢, 仔仔,你大個仔啦, 人地問野你要識得答, 唔答人地野系好冇禮貌架,有咩事都可以話比媽咪知話比大人知,我知你好叻架, 有咩都好快可以學得識, 搵樣佢既強項比佢發展下,自信心呢樣野真系好易改到,我記得我果時第4個學生, 又系好怕醜, 畫畫完全冇天份, 但系只要比多d心機, 5好放棄, 不停咁去試,一定可以教得好! 做媽咪既系好辛苦,但系將來佢成材得到果份喜悅真系幾辛苦刀低...
雖然我冇小朋友...但系當我睇住自己既學生, 由本來好憎畫畫,冇信心... 一路教到佢有成就, 比賽拎埋獎....果份喜悅真系換得返黎好值!! vinus 媽咪要加油 ^_^

作者: vinuschan 時間: 2010-10-7 11:23

感激Paper 的提議及鼓勵! 我相信我的小朋友是缺乏自信, 所以樣樣都要人伴著, 我已經給他很多讚賞及鼓勵, 但他仍是很膽怯去面對人和事! 我承認我以前是過份保護他, 但知道他的問題後, 我已逐漸放手了, 我不是不想狠心呀! 只是他的哭聲實在驚人, 會影響其他小朋友及姨姨上堂, 我無奈就範, 讓主日學姨姨可以順利上堂. 人地問佢問題佢硬是垂低頭沉默不回應, 我已對他說這是無禮貌的行為, 要不得, 什麼都要回答, 唔識都要答人唔知道, 可惜他仍是這樣! 有些前輩勸我不要急, 由他自然發展, 大些會好些! 雖然我常常叫自己不要同其他小朋友比較, 不過眼見自己的小朋友那麼內向細膽, 有些無奈! 希望有一天我可以係到同大家講 : "我小朋友大個仔喇, 佢自己入課室了, 不用媽媽一齊入". 希望在明天! 謝謝!

作者: paper 時間: 2010-10-7 13:47

加油*v* 有時后小朋友真系喊得太勁, 就要鬧下...惡d! 我太接近呢個年代既小朋友思想XD

作者: vinuschan 時間: 2010-10-8 15:10

Paper, 我可以狠心鬧他, 不理會他大哭大吵, 不過我怕物極必反! 我怕會嚇怕了他, 令他更加厭惡及抗拒入課室. 軟硬都試過, 結果都是一樣, 總之就.............. 頭痛啦 :-(

作者: vinuschan 時間: 2010-10-11 13:00

又失敗了 :-(, 昨天與兒子返主日學, 講了很多道理給他聽, 去前就應承我明白, 可以自己入課室, 去到教堂門口又(大)哭了, 又叫 "媽媽一齊入課室", 又不能鬧他, 真沒有法子了 :-(((((

作者: s1006787 時間: 2010-10-11 13:29

Vinus,
上星期的親子王有介紹一本書, 如下:

書名: 幫助孩子克服分離焦慮或拒學 - 照顧者的指導手冊
作者: Andrew R. Eisen & Linda B. Engler
出版: 心理出版社股份有限公司
定價: HK$77(商務印書館)

妳去看看這本書是否可以幫妳一點。

作者: s0904214 時間: 2010-10-11 13:56

Vinus,

真係同病相憐,有苦妳我知!
我的女同妳的仔仔情況一樣:一樣大,返學無問題,其它學習地方不肯去,如預先給她知道就找理由不去或未出門就喊定先,相反可以讓家長陪的課程就超級鍾意去!
我也非常頭痛,又擔心明年找小學了,面試時又喊又唔肯自己入去見老師都不知怎算好了!

都唔知誰人可幫到我,彷彿我似要見輔導多些了!

MagMag上

作者: vinuschan 時間: 2010-10-11 15:29

多謝S1006787再次回應我的話題. 我在親子王也看到這書的介紹, 也考慮買這本書, 不過仍不太樂觀, 因為之前我也看過有關幫助孩子克服分離焦慮的書, 學習書本所講的方法處理兒子不願自己入課室的問題, 結果還是一樣! 不過我不會/能放棄的, 希望神蹟很快會出現吧!

Mag Mag, 我兒子的問題已擾嚷多時, 如我所說, 他返了年幾的主日學仍要我一齊入課室, 都不知他驚什麼, 如果有一天我找到良方妙藥醫治他的 "十級分離焦慮症", 我一定告訴妳!

作者: aliceau 時間: 2010-10-15 16:47

Just want to tell that there is a parental seminar hosted by the Education Bureau. It will be held on 30/10/2010 by 3 speakers, each from Health Department, the media and EDB. They are experts to share with us ways of raising children, their developmental paces and how to co-operate with the kindergarten to rear up our children.
the website is
http://www.chsc.hk/

The topic is 家長講座：家校攜手譜新篇譜出孩子好童年

Hope that these seminar would help solving your worries to rear up children

歡迎光臨家長同學會 (http://eparent.school.hk/forum/)