家長同學會 - Powered by Discuz! Board

標題: 長者寵壞小朋友？ [打印本頁]

作者: jacko 時間: 2009-11-5 13:58 標題: 長者寵壞小朋友？

以下那位家長的問題，我也想了很久可如何解決，希望可以和大家討論一下。

那位家長的情況是這樣的：

一個3.5YRS小朋友, 困住自己係廁所發脾氣半個鐘!
駛唔駛即刻同佢睇醫生??
爺爺昨日同佢洗頭, 洗到佢唔舒服, 即發脾氣(平時脾氣都已經好大) 趕爺爺出去, 自己按住門, 唔比人入去!!
不停叫, 我要困住自己!!!!!我要困住自己!!!!
你地話駛唔駛帶佢睇下醫生
佢父母都唔理佢, 爺爺奶奶加表姐已經加十倍關心, 都係已唔到佢臭脾氣!!!
佢D 臭脾氣真係好難頂, 唔順心打人已經係小事, 平時帶佢出去買野, 細細個, 仲未識唔順心打人已經係小事, 平時帶佢出去買野, 細細個, 仲未識講野, 唔買, 真係會扒係地下個D 來
我試過一次, 帶佢出街玩, 坐火車, 發脾氣, 叫圍住佢地人走開, 又唔比人企係佢附近.

另一位家長回應：

「個小朋友係咪爺爺麻麻湊架?我見好多係爺爺麻麻湊既小朋友都係咁,皮氣好大,一唔順佢意就發好大皮氣,又打人,有時仲打自己
呢d唔似係病,似係寵壞or佢冇安全感」

同意他的說法。有時長者照顧小朋友，很可能會特別疼他的。這反而會寵壞了小朋友。您家中的老人家，有沒有這個情況？如有，您又如何處理呢？

作者: alisoncheung 時間: 2009-11-5 23:12

睇完之後, 我真的有感而發.

其實都不是每個長者都一樣咁"種"又或者想"種"D細路.  有時我們都要為他們想想, 會不會因為佢哋係幫自己的仔女湊仔女, 由於不是自己所出, 有任何不妥都怕被D仔女埋怒, 所以都是免傷和氣最好, 當然他們都是出於真心的愛小朋友.  但其實當他們是父母時, 對自己的仔女往往比對孫兒嚴厲.

另外, 有些老人家(特別是公公, 爺爺)喜歡將小朋友當作他們的開心果, 喜歡捉弄他們, 取笑他們, 然後見到小朋友嬲, 佢哋就開心, 我家的公公就是這樣, 所以孫仔常常都會係佢面前發痺氣俾我和老公駡.  不過罪魁禍首是公公, 有時我和婆婆都會話吓公公架.

我的解缺方法就是自己將小朋友keep在自己身邊, always keep my eyes on him.一發覺有小小不對便盡快加以矯正, 雖然要上班, 我都堅持自己帶上學,星期六日全程自己湊, 平時要工人回報他的日常行為. 我當湊囝囝係我一份life long project.  從0開始寫起, 呢個project做得好唔好, 大家都唔知, 但我會盡力, 唔想日後後悔.

其實我也是由婆婆湊大的, 我是獨生女, 是她唯一的外孫, 但她對我很嚴, 她常常說玉不琢, 不成器, 我是在她鞭策之下成長, 所以我沒有被寵壞, 我很感激她.

作者: alisoncheung 時間: 2009-11-6 10:58

再補充一句, 婆婆湊的小朋友一般又會比嫲嫲湊的好和乖 (這純粹是個人意見), 因為通常媽媽都可以跟婆婆商量教小朋友的方法和較易有共識, 跟自己媽媽講, 直接d都得,又唔怕佢嬲, 況且自己可能都係佢教出來的. 但係奶奶和新抱通常講得冇咁直接, 因為大家都有介替, 經常要估被此可以接受的範圍, 怕會弄壞婆媳關係, 所以多數冇法直接清楚溝通和找到共識. 為了教個細路, 有時什至老公都做埋磨心tim.

作者: 92273600 時間: 2009-11-6 11:39

非常同意上面alisoncheung家長回應 =^.^= 尤其是這個 "我的解缺方法就是自己將小朋友keep在自己身邊",
所以我是辭職自己湊(很難做的決定), 因為我冇媽媽(already passed away) 但係怕會弄壞婆媳關係同怕老公做磨心mah. 媽媽係唔易做架!

作者: s0900025 時間: 2009-11-6 13:21

我本人覺得建立良好婆媳關係技巧，是我們做媽咪生活中必須學習的重要課題。大人的互動模式，必須要更謹慎與小心，因為大人們在孩子面前表現的言行，孩子自然會從這些言行舉止中，學習他們待人處世的技巧。婆媳關係良好，也才能給孩子一個快樂成長環境。

我囡囡已4歲，家中沒有請工人，婚後與老爺奶奶同住，直至女兒兩歲後就分開住，為了方便照顧就住在老爺奶奶的樓上，白天由小到大都是由嬤嬤湊，夜晚就跟我們回家，我會放下一切的家務及私事陪囡囡一起玩遊戲及講睡前故事。

有個好處就是嬤嬤對孫女是真心的，好過請工人，提心吊膽，我們就可以安安樂樂返工 …… 但有弊處就是太惜孫女，什麼都幫她做，造成囡囡的依賴性很強 ……

就以「吃飯」為例吧！奶奶喜歡歡喂孫女吃，因為她覺孫女自己吃很慢，飯菜涼了對身體無益處及沒有耐性教孫女怎樣吃飯。而我就主張囡囡自己吃，一個鐘之內吃不完就收碗，吃飯時我要不斷地提醒個囡，「右手握湯匙，左手扶住碗，專心地吃」，一餐飯要提十幾二十次，奶奶聽了很不奈煩，覺得我很多餘，自討苦吃 …… 但我不理會奶奶怎諗，只要是為個囡好的，我一定會堅持我的做法 ……如見奶奶心情煩躁時，我就不會同她談，見她心情靚時，我會同她解釋我的立場……

所以我由K1時就給囡囡返全日班，希望在學校不但學到知識外，還可以學到自理能力，另還都可以少時間在家做皇帝女。

作者: kaucrystal 時間: 2009-11-6 13:50

你哋好,其實大家都講得好好; 但板主所寫的「佢父母都唔理佢」個意思是什麼?係唔係一直唔理佢呢? 當中父母有沒有理會小孩子的感受，我感覺唔到，我只感到爺爺奶奶好錫佢。
我也是在職媽媽，我小朋友(快將3歲)也常常發脾氣，漸漸大了也好了很多；小朋友原本是一張白紙，大人唔開心都想有人知自己點解唔開心啦!何況這是小孩呢?每個小朋友都想父母錫、父母理解自己，過程中，我感到板主所說的小孩少了父母的愛；而爺爺奶奶的都是點綴的。現實中,如奶奶或我的父母與我的意見不符，我會坦白說「我知大家都係為小朋友好,但請尊重我教我的小孩。」語氣是堅定而溫柔。不要給小朋友覺得東一套,西一套；而長者們都會明白自己的，唔明的便之後慢慢解釋。

作者: s0902823 時間: 2009-11-6 22:34

1# jacko
我有一對孖女, 亦是同奶奶一起住, 因為自己知道奶奶套湊孫方式與自己既完全不同, 所以已想好減低磨擦的方法, 起初為了減少孖女對住奶奶既時間, 而一早安排佢地入讀全日班嬰幼班, 而免令佢地做皇帝女, 但因為佢地太細個, 好易生病, 最後都選擇暫時退學。現在留在家中已有2個多月, 發現佢地既脾氣愈來愈大, 2個互相起手打對方, 有時見佢地以為起手打對方係玩, 有時會向對方咆哮, 最後發現大部份都係我不在身邊的時候, 只有奶奶係到時發生, 而我老公亦知道, 依家在外面對其他人又是一樣。因此, 為免孖女壞習慣養成, 只好做跟得夫人, 加以糾正。現在我正懷孕, 已有6個多月,雖然有工人, 但亦不能幫太多, 有時仲要因為唔想令佢地太依賴工人, 好多時候都親力親為, 但實在太累了, 每當我想休息一會兒, 放給奶奶睇15分鐘, 但不一會兒就聽到2個女互相打對方, 咆哮的聲音, 每次如是, 最後真的不放心。雖然已是全職家庭主婦, 好多家務都有工人幫, 但買餸, 家中大小事務之管理都要自己睇住, 又要處理工人與奶奶無間斷之爭吵, 又要做孖女跟得夫人, 真的太疲累。可以怎樣解決? 我曾經學習放下, 但放下的結果就是孖女多了一個壞習慣... 之後我就不敢...

作者: jacko 時間: 2009-11-7 15:52

1# jacko
我有一對孖女, 亦是同奶奶一起住, 因為自己知道奶奶套湊孫方式與自己既完全不同, 所以已想好減低磨擦的方法, 起初為了減少孖女對住奶奶既時間, 而一早安排佢地入讀全日班嬰幼班, 而免令佢地做皇帝女, 但 ...
s0902823 發表於 2009-11-6 22:34

我覺得您是一位十分果斷和有決心的媽媽，一看見小朋友有些不對勁，便立即修正之前的決定，自己親自教好小朋友。這是十分值得欣賞的。

看完您的「感言」，真的覺得媽媽真是十分偉大。作家庭主婦比上班更忙呢！

不如我們一步一步，先看看小朋友起手打別人的情況吧。我建議您可以先跟小朋友平心靜氣的協議好，告訴她們任何時候也不可以這樣打別人和咆哮的，這是很不禮貌的。跟她們說好，如果一這樣做，兩個小朋友便需要到「naught corner」站15分鐘。同時，在奶奶心情好時，找您的老公跟您一起，跟奶奶談一談這個情況，請她配合。

[ 有關懲罰的詳細要點，您可以按我觀看之前的留言(第12段留言) ]

作者: anniedick1012 時間: 2009-11-7 22:34

非常同意上面alisoncheung家長回應 =^.^= 尤其是這個 "我的解缺方法就是自己將小朋友keep在自己身邊",
所以我是辭職自己湊(很難做的決定), 因為我冇媽媽(already passed away) 但係怕會弄壞婆媳關係同怕老公做磨心m ...
92273600 發表於 2009-11-6 11:39

我情況同你一樣, 自己媽媽一早已 passed way. 所以計劃盡快離職, 自己湊返囝囝 (現在 3.5 歲).
我現在雖然有工人幫, 但奶奶/老爺有時也會上我家幫助看一眼. 但我發覺囝囝都會被佢地寵壞.
例如 1 : 囝囝好鍾意食某brand name 的芒果乾, 於是佢兩老就每星期都買一包比阿囝, 但一個小人兒, 絕對不會可以一個星期內吃完, 所以而家家中已起碼有 2 包... (就係因為阿囝鍾意食!但我就好怕那些制過的&太多糖的小食, 日日都比阿囝食)
例如 2 : 囝囝玩完玩具不肯收拾, 於是我不理采他, 直至囝囝自己開始去執拾才準許他拿其他玩具出來玩...但奶奶一見到就同佢講:唔執就遲些才執吧, 你自己去拿想玩的出來吧! 但阿囝完全明白最後工人姐姐會收拾殘局 (即是阿囝最後係一定唔駛執玩具!)
例如 3 : 出門旅行, 同阿囝講好不可一見到想買的玩具就即刻買, 要學習下忍耐, 因為可能有其他更好玩的, 你更想買的東西出現. 但奶奶聽後, 跟著同阿囝講: "有幾可一齊去旅行, 媽咪唔買, 我買"

我老公係一個唔願 voice out 的人, 所以我係一人同佢兩老作戰...好倦呀!

歡迎光臨家長同學會 (http://eparent.school.hk/forum/)