家長同學會 - Powered by Discuz! Board

標題: 是否要安排"細仔"重讀才有機會入直資/私校? [打印本頁]

作者: ikndaisy11 時間: 2010-3-17 16:21 標題: 是否要安排"細仔"重讀才有機會入直資/私校?

各位好! 真真真煩惱!

小兒是11月出世, 所謂細仔, 友人話 "如果你想細仔入直資/私校, 一定要成為大仔才有機會woh! "
下! 不過.......

1) 是否重讀就是唯一出路呢?

2) 友人仲話, "一定要k1重讀.....下, 點解呀? 可否到k2看看, 如果追唔上先重讀啦!因為k2懂事, 如果k2重讀, 會傷害佢自信心..."大家點睇...有冇過來人或同路人分享下.

3) 請問直資/私校真是這樣嗎? 我最心儀的是男x萃, 同英x(snoopy學校)!!

說實話, 重讀又好似冇乜謂, 不過, 萬一k3真係考唔到學校 (唔一定係果2間)就死喇!

煩惱ma

作者: s0905923 時間: 2010-3-17 18:13

考唔到呢兩間你心儀既學校都唔駛 "死" 既, 唔好俾咁大壓力自己同個仔啦! 就算你仔仔真係做大仔, 重讀一年, 都唔保證佢一定考到呢兩間學校架, 因為呢兩間學校都出左名超多人報讀。當然做大仔係學習上可能會較有優勢, 但有D小朋友係學校做細仔, 成績一樣出色, 所以都好睇個小朋友本身既質地。如果你打算俾仔仔做大仔, 我同意你朋友所說最好重讀K1, 免傷仔仔自尊心。

作者: zoesychan 時間: 2010-3-17 19:35

唔明點解要重讀 ? 如果你想佢做大仔遲一年讀 k1 咪得 lor ..
因為我覺得如果要repeat 小朋友唔可以同佢d同學仔一齊上 k2會好唔開心 ...

作者: catcatma 時間: 2010-3-18 09:19

我同你一樣呀, 仔仔是細仔, 直資/私校都會考, 1st round 攪珠亦都會試. 也是朋友話我知, 要直資/私小收咩, 就要做大仔, 細仔根本冇機會, 我地起呢個制度下, 都唔知點算好.
原先我都打算重讀, 但諗真, 重讀咩, 仔仔開始大喇, 知道個個有得升班佢無喎, 會好唔開心, 照上喇, 佢會好開心, 但到我地擔心, 擔心佢跟唔上, 直/私都唔收, 如果攪珠又唔好彩咁點好呢.......
但如果重讀, 真係未必如我地咁想.......必收, 無人可以保証到包入喎. 到時, 仔仔會唔開心, 效果又必如我地咁想, 咁咪浪費左呢年時間咯.
所以我決定左比佢照上, 就交比天主吧, 自然會安排佢入到邊間學校.

作者: ikndaisy11 時間: 2010-3-18 22:36

對, catcatma,
我同老公都認為先讀上去, k2追唔上先算......, k3你好學校再算!
人之智慧是有限的, 真的不能為他想到那麼長遠, 讀唔到最好, 只好讀普通學校!

作者: anniedick1012 時間: 2010-3-20 00:44

hi ikndaisy11,

其實你有沒有從小朋友角度去想一下...
例如有一天佢會問你: 媽咪點解我會係全班最大, 最老的一個? (如果佢其實追得上幼稚園的課程, 但你要佢repeat K2 or K3!變成超級大仔!)
你有沒有考慮比佢讀多一年幼稚園, 到時入讀小學的合齡學童會否比原來的多呢?(即是可能會有更多人同你小朋友競爭入你心儀的小學)
另外, 正如 catcatma 話: "但如果重讀, 真係未必如我地咁想.......必收, 無人可以保証到包入喎. 到時, 仔仔會唔開心, 效果又必如我地咁想, 咁咪浪費左呢年時間咯."
當然, 我完全明白你所想法, 因我曾有相同的想法...我小兒是超細仔 (12月31日出世), 但每當我與幼稚園老師提及這問題, 她們大多數都不讚同, 因為佢地一致認為就算係1月1日出世也並不一定最叻, 每一個小朋友的發展都唔一樣...
我一定會嘗試幫他考直資, 到時看他自己的表現啦! 如果唔得, 咪等大抽獎, 其實其他學校都有佢地的好, 只要父母用心地去觀察每一所小學特色, 配合小朋友的發展, 小朋友讀得開心, 自然事半功倍.

作者: ikndaisy11 時間: 2010-3-22 15:34

anniedick1012,
YEAH!!! 贊成!
其實都向很多人了解有關情況(包括:小學老師, 教育心理學家...), 情況真是大家傾向收大仔, 不過, 呢2日想通了, 做父母的只能在此時此刻作一個決定, 一個未必絕對win硬, 但是一個我兩認為對他好的決定。
人生的奇妙是有很多野都不盡人意, 所以再想下去也沒有幫助, 總之"活在當下"

作者: catcatma 時間: 2010-3-23 09:29

Hi ikndaisy11, anniedick1012,

Yeah!!! 我地都係超細仔媽咪, 睇黎我地都應該可以分享到好多野喎^_^
最初我擔心既係, 細b已經比大b差一截喎, 仲要係仔就更加比女差多半年添, 所以就更加擔心佢會跟唔上咯.
無錯, 正如anniedick1012 話"就算係1月1日出世也並不一定最叻"既, 我發覺原來佢地唔係輸蝕在學術方面, 而係佢地真係未 ready, 比如小肌肉同自理方面就真係差些少, 但無辦法啦, 睇番佢半年前同而家都分別好大咯, 進步左好多, 我地唯有同佢地一齊努力啦, 比心機, 加油呀!!!
希望我地仲有時間, 起呢半年入面, 佢地可以再成熟d 啦, 到時 in 私/直或者都會有驚喜呢

作者: wendyyip 時間: 2010-3-23 20:09

我個仔十月中出世，都係細仔。今年八月讀k1。我的心儀小學都是男萃，我和丈夫均認為名校小學不會偏心大仔，如果我們細仔面試表現較其他小朋友優勝，學校應不會介意佢係細仔。
我個仔現時已會讀英文故事書、幾百個英文生字及多首英文歌。中文識得少一些，因為佢鍾意讀英文多些。我希望佢入到口碑好的小學。有空再和各位家長一同研究。

作者: hkitty 時間: 2010-3-31 12:53

Hi, ikndaisy11,

我的小朋友都係10月尾出世, 現在讀緊你其中一間心儀學校的小一。當年我亦曾有你的憂慮, 我的方法是: 自小培養他閱讀興趣和適量參加比賽(可増強自信心), 多些鼓勵同讚賞他。現在他的成績都能在頭幾名, 所以父母的支持是很重要的, 不要過早擔憂未發生的事。明天會更好!

作者: ikndaisy11 時間: 2010-3-31 18:26

hkitty,
多謝你的鼓勵, 但自言不是一個愛閱讀的人, 可否請你分享多一些閱讀心得?

THANK YOU!

作者: hkitty 時間: 2010-4-1 12:27

Hi, ikndaisy11,

其實我的做法沒有什麼特別, 打從幼稚園開始, 每天我出門前, 都會把圖書排放在沙發上, 待寶寶起床後即時可拿起觀看。每晚臨睡前, 我都會同他講故事, 配合生動的語氣來吸引他。把圖書放在他容易拿到的書櫃, 只要持之以恆, 必定能培養出寶寶自動自覺地愛閱讀的習慣。

作者: anniedick1012 時間: 2010-4-17 00:53

唉! 剛剛於下午出席完某心儀直資的簡介會, 佢地一位負責家教會的老師講明不會收"細仔"...
因佢地每年都收到很多申請, 家長選學校, 學校也可選學生...實在令我好失望!
我非常之不明白, 為何佢地無看過任何小朋友的資料, 就說不會收, 那麼不如請有關當局更改入讀小一的資格,(只到六月三十日, 而不要在十二月三十一日).
既言覺得"細仔" (出生六月後的小朋友)不適合太早入讀小一.

真無奈!

作者: myrchan 時間: 2010-4-27 22:23

那是否涉及「歧視」!

13# anniedick1012

歡迎光臨家長同學會 (http://eparent.school.hk/forum/)