Board logo

標題: 有關腦部發展的問題 [打印本頁]
作者: s0900620    時間: 2010-6-7 22:59     標題: 有關腦部發展的問題

麥主任:

您好! 本人想請問一個有關腦部發展的問題 ~

頭形有無影響腦部發展的呢?

由於小兒細細個的時候已睡歪了頭, 令到個頭形斜了一面, 約兩歲的時候被評估為 "整體性發展遲緩", 到現在差不多七歲了,除了整體性學習遲緩之外, 現在還多了一樣, 就是 "專注力不足", 令到我很苦惱 ~ 學野慢, 理解力差, 表達能力弱 ...

小兒雖然他能力弱, 但自尊心就好強, 對分數很在意, 亦很介意別人如何看自己, 經常以為別人在談論他, 有時我跟先生在談別的事情, 他以為我們在談論他, 他亦很怕被別人笑。

我現在覺得對着他真的很累了, 幼稚園階段帶他出出入入的早期訓練 (綜合, 言語, 職業治療, 物理治療 ... 樣樣都有他的份兒), 到現在小一跟他的功課, 默書, 考試 ... 實在很辛苦, 想投降了, 真有點想放棄!

每次做功課, 溫書都要跟他角力, 雖然每次默書都可以取得高分數, 但每次溫習的過程都是相當痛苦的, 現在真的覺得很累了 ~
每次我有我講, 他有他遊魂, 簡直想死!

本人還有一個細女, 剛好跟大仔相反, 細女學野好快, 能力強, 她的頭形好靚, 兩個都同一個阿媽生, 同一個阿媽教, 其實他們的差異是否跟頭形有關呢? 會否睡歪斜了頭, 壓住了某些腦細胞而影響了腦部的發展呢?

P.S. 本人小兒兩歲半前是由工人姐姐照顧的, 由於工作關係, 那時他很少見到我, 我下班的時候, 他睡了覺, 我下班的時候, 他又未睡醒, 放假的時候, 因實在太疲累之故都很少出街, 會否因為這樣, 影響了他的語言發展, 繼而影響了其他的發展呢?

現在對於他的問題, 我都只是一個謎, 不知為何會這樣的? 自問我們兩夫妻以前細個的時候都不會這樣的 ...

期待您的回覆!

謝謝!!
作者: rei    時間: 2010-6-8 02:50

我女兒兩歲多，bb時也是已睡歪了頭, 令到個頭形斜了一面，但她學習能力很強，語言能力也很高，所以我相信腦部發展跟頭型沒關系的！
作者: jacko    時間: 2010-6-8 09:58

麥主任:

您好! 本人想請問一個有關腦部發展的問題 ~

頭形有無影響腦部發展的呢?

由於小兒細細個的時候已睡歪了頭, 令到個頭形斜了一面, 約兩歲的時候被評估為 "整體性發展遲緩", 到現在差不多七歲了,除了整體性學 ...
s0900620 發表於 2010-6-7 22:59
您好。首先，真的要向您致敬！內心真的非常佩服子女有發展遲緩情況的家長。那份無限的耐心與堅忍，我想我十輩子也做不來。

有關頭型和腦部發展的問題，我之前亦思考過。記得之前看過一本心理學發展史的書，內容提及過，以前的學者曾經嘗試量度頭部形狀大小和智力的關係，並發展出一套理論。但後來被現代的心理學家推翻了那個理論：他們認為頭部形狀大小跟智力或其他能力是沒有關係的 (能力跟腦部細胞的相互連結有關)。

不過，如果我們在街上走走時，看見一些弱能或唐氏綜合症的小朋友，您會發現他們的頭形真的是有些特別的。所以，我暫時也答不到您，頭型和腦部發展是否真的完全沒關係。只能等待其他心理學家的研究數據 (或者我們自己做些研究……如果有時間的話……)，才可併出更清晰的圖畫了。

發展遲緩的問題，有時會跟基因 (遺傳因素) 有關。簡單而言，基因分為兩種：顯性基因和隱性基因。一般而言，兩條基因合成一對，才可以在我們身體產生「威力」的。而一對基因之中，其中一條基因是爸爸給我們的；另一條是媽媽給我們的。

爸爸媽媽基因組合後的結果如下：

顯性基因 + 顯性基因 --> 有顯性基因的表徵
顯性基因 + 隱性基因 --> 有顯性基因的表徵
隱性基因 + 隱性基因 --> 有隱性基因的表徵

只要一對基因組合內，任何一條是顯性基因，也會令您得到顯性基因表徵。而隱性基因，只有在一對基因組合，兩條也是隱性基因的時候，它才能發揮「威力」。色盲便是其中一個例子。視覺基因組合後，結果如下：

正常視覺基因 (顯性) + 正常視覺基因 (顯性) --> 正常視覺
正常視覺基因 (顯性) + 色盲基因 (隱性) --> 正常視覺
色盲基因 (隱性) + 色盲基因 (隱性) --> 色盲

假設我的正常視覺，是因為「正常視覺基因 + 色盲基因」而產生的話，當我生小孩時，有機會將「正常視覺基因」的基因傳了給我的小孩，亦有機會將「色盲基因」傳了給我的小孩。傳什麼基因給小孩，那是個隨機的過程，一般我們是控制不了的。所以，就算爸爸媽媽的視力正常，而他們的正常視覺均是由「正常視覺基因 + 色盲基因」組合而成的話，爸爸媽媽有可能均在隨機的過程中，將「色盲基因」傳了給小孩，生出來的小孩得了「色盲基因 + 色盲基因」，便變成色盲了。

我不知道您小孩的情況。只是提供一個可能的原因而已。

我要強調，小孩有某些基因，並不代表小孩永遠不能改變的。大部分的情況，只要小孩有合適的訓練，是可以有很大幅度的改善的。
作者: iris    時間: 2010-6-9 07:57

我個女依家兩歲半, 佢自出世都有你提到的問題, 仲比你囝囝嚴重, 以下係我較早前post過上來eparent問過有關問題, 至今仍keep住做治療(一星期四日去私家診所, 都有改善), 或許你囝囝未必會係相同case(我都唔希望唔係), 再post返來供你參考:
至於阿囡斜頸問題, 說來話長及艱辛。

阿囡係响媽媽開始陣痛四十幾個鐘後(媽媽第一胎), 用吸盤吸出來既, 我地响佢出世後己發覺佢條頸唔肯”另”過右邊, 瞓覺都係個頭側向左邊(上面貼子寫錯, 唔係側向右邊), 所以佢個頭依家係扁埋一邊, 同時眼有少少”竇雞”,小小大細面,  每次去健康院見姑娘都同佢講呢個問題, 佢地都話冇問題, 叫我地用d嘢引佢望向右邊就得, 但都係唔得。 終於佢地肯俾我地見醫生, 佢寫紙轉介到醫院骨科, 當時我地排期約一年後先至見到醫院骨科醫生。 排左期後, 過左冇幾耐通知我地可以提早响阿囡六個月時見醫生, 判斷係斜頸, 當時個醫生即時寫紙要我地去物理治療部。嗰度d物理治療師問我地點解我地咁遲先睇, 人地嗰d响出世兩周已來, 我地真係有口難言…..。我地响網度搵呢方面既資料, 都話原因未明(現在我知原因,下面說明), 都係話及早個治療有好大機會好返, 好少機會做手術, 即係將條拉住佢條頸肌肉切左佢一小塊, 放返鬆佢, 條頸就會直返, 時間最好係一歲前做好。我地當時只係埋怨冇早d帶佢做物理治療, 以為早d去就可以早d好返, 唔使做手術(當時我地深信做完手術一定會好返)。時間一天天的過, 由最早的一個星期四次至每星期五日都去扭頸, 據物理治療師講, 佢算係幾嚴重, 條筋好粗, 加上照x光睇到佢條頸骨係歪左既, 要做手術, 我地都接受呢個不可避免既事實。我地想佢一歲前做,網上資料係咁講, 早D好返唔使佢受咁耐苦, 但個主診醫生話兩三歲做都未遲, 最後响佢一歲半做, 即日做完我地覺得真係好好, 以為搞掂左。 物理治療師話手術得要keep 住每日做物理治療兩個月就ok, 呢兩個月先至阿囡既惡夢, 治療師係咁用力咁”卒”佢個傷口, 話咁樣先至唔會使條筋生返埋, 唔把握呢兩個月, 佢生返一埋齊, 手術等於冇做過。佢傷口入邊發緊炎, 仲係咁”卒”(每次半個鐘, 一星期五日), 佢每日出門都唔開心, 去到醫院等待”行刑”時一句聲都唔出, 當叫到佢名時, 未做就已大喊, 一直喊到完成, 有幾晚仲發開口夢, 醒左仲大喊。有幾次响醫院等待做治療時, 試過看媽媽唔為意, 自己離開物理治療部, 媽媽响後面跟住佢, 睇佢去邊, 向住坐車來的車站走去(其間要轉幾個彎), 想離開嗰度(每次想起都好心UP)。 我地都知佢唔開心, 所以每次做完治療都帶佢出街行一輪圥返屋企, 週未/日都帶佢行街, 唔想俾佢既印像係每次出街就係”受刑”。 佢雖然細, 但係知道出街去玩定係做治療, 明顯態度係好唔同, 去玩時好開心, 由上車一直講嘢到落車(成個鐘)。

我地覺得响佢情緒方面有以下問題, 未知是否同治療有關:

1. 無論响邊度, 佢手上既嘢跌左落地就會發脾氣, 將其他未跌既都掉埋落地, 仲話”泵”左佢, 跟住就喊;
2. 兩歲前出街時見同齡(或比佢細)既陌生小朋, 人地同佢揮手打招呼, 佢都唔理人地(依家有左改善)。
3. 响商場有D入錢玩嗰D玩具車, 佢上坐上去(冇入錢, 只係坐), 當有其他小朋友加入, 佢就既時離開, 去第二度玩, 响遊樂場都係一樣。呢個情況前一排有左改善, 但自從今次彈彈氣球被人撞跌之後, 又再好似以前咁前, 而且我地覺得仲嚴重左, 可以睇到佢塊面係梗哂, 不知所措咁既, 好緊張。
4. 佢一度有成功戒左尿片, 但只維持左一個月度, 自約十八個月開始至今都唔得, 佢尿到條褲仔濕左, 帶佢去厠所都堅抾持話冇尿尿, 仲反抗, 但當換左條乾淨褲冇幾耐又濕過, 呢個情況, 最頻密, 一個鐘換幾條褲(可能十分鐘換一次)。仲有, 同佢出街, 有時去D唔係好乾淨既厠所, 佢就屙唔出。
5. 我地認為佢係有能力自己攞起個羹”筆”飯食既, 因為佢玩時可以做得好好, 只係懶。佢食飯唔會咬, 就咁吞落去, 所以D餸都要剪誶俾佢, 但係佢仲意食既餅乾, 好硬都可以咬來食
6. 好多時人地同佢講嘢唔肯應人, 要問好幾次先答你(佢耳仔冇問題)
7. 呢排佢一面對陌生人(成年人, 或非同齡), 一緊張, 佢就會問人食飯未

有樣嘢反而我地覺得係強項, 佢記性都幾好, 媽媽同佢出街, 見到乜嘢都同佢講呢D係乜嘢, 响屋企教佢英文單字, 都記得好好, 好多時會問媽媽某樣嘢既英文叫法, 如媽媽唔識, 佢就話:查字典呀. 有D單字, 媽查完字典, 講左俾佢知, 隔左一排唔記得左問返佢, 佢又可以讀返出來。

講返斜頸, 做完手術兩個月後(即由佢六個月大開始, 己做左物理治療超過一年), 個物理治療師同我地講左一個事實, 佢話响嗰間醫院, 做過手術既, 冇一個成功既例子, 有D人做做下治療, 就唔再來, 或許是放棄, 或許找別的治療。我地對呢個消息感到非常震驚及無助, 一直以為只要付出努力同心機, 一定會好返, 我地搵到既資料都係咁講, 但原來一切都係白費, 仲對阿囡帶來心理帶來冇法估計既創傷。個治療師向我地介紹一種我地未聽過既治療法, 叫髗骶骨療法(Craniosacral Therapy), 不妨去試下。另外, 响阿囡做手術前一日, 爸爸因為腰痛, 搵睇開既中國骨醫(即跌打), 同佢提起, 我個女明天做術, 講左原因, 佢當時話, 唔使做手術, 呢樣嘢佢都遇過, 佢家姐個女都係咁, 幫佢做好啦。當時只係聽過就算, 冇放响心度, 當然亦都唔會因為佢咁講而唔做手術架。

自去年六月份起阿囡一個星期有三日去跌打, 二日去物理治療, 一日去髗骶骨治療, 返足六日, 日日都喊到要死, 但亦都見到成效(亦冇喊咁犀利), 佢以前個頭唔會主動”另”右邊, 依家都可以做到我地平常人既八成。最近兩個月, 我地索性唔去醫院了, 俾阿囡有休息機會, 佢真係開心好, 但係佢知要出街做治療, 見到媽媽換衫就要喊, 話唔去。

跌打同髗骶骨療雖然用既方法唔同(佢地各自唔知我地用其他治療法), 但冇衝突, 對於成因, 佢地反而有共同點, 話成因為生產時夾硬拉佢出來, 整傷左條頸(髗骶骨既睇法) /成左骨架(跌打睇法), 斜頸只係個結果, 唔係原因, 所以根本唔係去切左條肌肉(兩個都咁講), 而係從根本做起, 放返鬆拉緊左既肌肉(髗骶骨既做法)/ 將成個歪向左邊骨推返正(跌打)。 髗骶骨嗰度仲講到, 阿囡响媽媽肚度, 隻左手手一直放响頭度, 從來未放過落來, (我地响阿囡响媽媽肚度27週時照過4D, 當時都見佢隻手放响頭度, 等左好耐都冇放落來, 當時以為只係短暫, 冇理到亦唔識理)所以一定唔可以好順利用生產。兩方面都講, 呢樣嘢會影到智商, 好彩阿囡冇事, 但髗骶骨嗰度覺得阿囡有少少自閉傾向, 建議我地去做下評估, 上個月初去左醫院做佐評估, 要今年六月先有結果。

依家都比半年前好左好多, 我地考慮緊去治療既次數減少, 以減少對佢既傷害, 平時都有同佢解釋, 點解要做治療, 因為佢地幫到我地, 醫院幫唔到我地, 所以唔去。

好彩跌打嗰度都幾有人情味, 成日買嘢請佢食, 過節又送D小禮物俾佢, 所以佢只做個陣喊, 做完即時收聲, 仲好多嘢講, 最近呢幾次只係十分痛先喊大聲D。

呢個就係我地阿囡既治療過程, 可以做既我地都做左, 但心理影響係無可預計, 我地冇呢方面既知識, 希望你們可以給點意見, 以對阿囡心理創傷的補救, 多謝!
作者: iris    時間: 2010-6-9 08:19

09/06/2010補充:
以上較早的post係來自今年一月份既, 自今年二月起, 我地己轉到另一家髗骶骨治療診所, 一星期兩次, 跌打又兩次。依家佢個頭都逐漸變返圓(之前間髗骶骨治療診所話個頭係咁就咁, 冇得變返圓), 希望响九月佢返幼稚園前搞得掂, 唔好影響佢返學。髗骶骨治療未必人人相信, 只係提供多樣嘢俾你參考。
作者: jacko    時間: 2010-6-9 09:21

多謝您熱心的分享，iris ~ (其實我地記得你的情況，不過在我未弄清楚您提及那個療法的來龍去脈前，我不敢推薦給s0900620。十分謝謝您的資料！)


按我觀看iris之前的帖子
作者: s0900620    時間: 2010-6-9 22:52

Dear Iris & Jacko,

謝謝您們詳細的講解及分享!

Iris:
看完你篇文章後, 覺得既 "心up" 又 "無辜" ...
看來你女兒的情況比我兒子的還嚴重得多呢!
但你女兒的頭雖然漸變返圓, 但個頸還會否 "梗埋" 一邊嗎?
現今做父母的真的很艱難, 但願我們一起努力, 一起加油吧!

現在我要為兒子的考試作準備先, 暫不多説, 等遲些再談吧!

努力, 加油呀!!
作者: iris    時間: 2010-6-10 00:30

未致於"梗埋", 如我地唔講, 其他人係留意唔到, 正如屋企老人家唔理解, 都話, 我地理, 佢大左都會好返架喇, 但如果我地唔去做治療, 情況係, 條頸條筋會令條脊骨成條斜埋一邊, 即條頸左跟隨佢個人成長而生長, 可以想像, 條脊骨歪左, 影響到四肢, 長短腳。另一方面, 條頸有問題, 影晌到頭骨(枕骨是頭與脊骨連接), 枕骨响小朋友十四歲前係由五塊組成, 成年後會生成一塊, 正因為生產時, 吸佢出來時, 手勢問題, 使這五塊枕骨錯位, 如唔趁佢生埋前處理好佢, 就會好麻煩。講返個頭,  枕骨連住一個叫蝴蝶骨(形狀都幾似), 兩隻眼晴生在蝴蝶骨之上,枕骨錯位使蝴蝶骨亦錯位,  有產生有好似"鬥雞"眼或左右高低既情況; 而另一塊"聶骨"亦受影響, 控制耳朵, 有問題則影響聽覺, 聽嘢唔清楚, 學習自然亦有問題。故人地話斜頸影響到智力同情緒就係呢個原因。
大家加油啦!
作者: iris    時間: 2010-6-10 00:32

打少左個"冇"字,應該係" 即條頸左冇跟隨佢個人成長而生長,......"



歡迎光臨 家長同學會 (http://eparent.school.hk/forum/) Powered by Discuz! 7.0.0