細路仔唔肯食野,飲奶

s0904845

     你地好,我有個小朋友3歲半啦!男仔!
     一出世只有4磅9!一直胃口都唔係好好!到而家都唔肯食飯,只食d較(杰)既粥!食餸就更加差!而且佢由差唔多2歲就已經唔飲奶啦!一直到而家3歲半先逼佢飲番一日兩杯細細杯既!但每飲一杯最快都要半個鐘!最耐一個鐘!我真係咩方法都用過!佢都係咁!佢好似真係唔鐘意飲咁!但我發覺佢真係唔夠營養!一直都唔係好長高長大過!到而家都只有廿十零磅!我好擔心!
     有咩辦法可以令佢食d唔鐘意食既野呢!如:生果,蔬菜,奶,肉......以上既野都唔係好食咖!如果要佢食的話,佢可以食成個鐘都唔得咖!
     如果我真係好想佢飲奶,又飲邊隻好呢!保兒加營素朱古力味好嗎!(因為佢鐘意飲朱古力奶)但又會唔會好野啖呢!
     ((謝謝大家))

ethanson

食野方面你可以試試從烹調入手, 我bb差不多兩歲, 飲奶同食飯都幾好, 近日煮了道新菜他好鍾意, 你可以試一試:
corn x 1 (切左d粟米粒, 唔要心); small carrot(唔係中式煲湯有泥個種) x 1 (切細粒); 5-6粒草菇or磨菇 (1開2, 汆水); 少許豬展/雞柳 (切細粒)
4-5碗水煲滾後先落corn, carrot, 菇, 再滾後慢火煲15mins, 再落肉, d肉一放落水會黐埋一舊, 用筷子搞開, 確保熟透, 煲5mins, 熄火焗5mins.  然後用攪拌機將所有材料攪蓉, 可以酌量加湯, 示乎你要傑d定稀d.  因為我bb like corn, 所以我會淨少少corn粒再撈落d蓉到, 再mix rice就ok. 呢個份量其實夠食幾餐, 我就唔隔夜, 第2日煮d fresh他食.  自己食都ok架 ^^
餘下的湯, 甜甜地, 你都可以試下俾他飲.
可能你會覺煩少少, 但我覺得幾好, at least no salt, no sugar, no oil

之前有nurse教我煮飯時多d俾corn bb食, 因為corn本身甜甜地, 會令他like食飯, 我一星期煮1-2次corn架.
其他food你都可以試下攪蓉, 等他習慣左d味再切細件他食

ikuylw16

我個仔仔同你仔仔一樣,完全唔鐘意食野....我地而家俾佢食一隻開胃水....[樂信--VITA80],同埋老人家推介既[借姑菜] sorry 唔識打.....我個仔仔食左之後胃口幾好..借姑菜既效果最明顯...你去藥房問下,希望幫到你...

s0905031

我個女仲有幾個月就4歲啦...佢出世6.5磅, 但到而家都係24磅, 同你個仔一樣, 都係唔食野, 佢地好似唔肚餓咁..
但我發覺係無得迫...
唯有每餐比小小,  雖然成日比人話佢好細粒, 好坦白以前我好介意, 但而家無感覺啦, 因為佢似我嘛...^^....我自己都唔高大, 又細食, ~~
所以放鬆d, ...當然3餐要比佢, 要天然, 要食生果....
唔好比佢覺得食飯係苦差...慢慢試, 佢總會有喜歡的食物.....
我而家都比緊佢食飲保兒加營素, 早晚各5oz (佢由出世到而家飲奶都係4-5oz..真係好細食, 叫佢飲多d都唔肯....>_< )

好明白你果種擔心...加油呀~~!!

s0904845

多謝各位家長既解答!原來仲有咁多好似我咁既辛苦家長......唉....
你地講既方法我都會試下!但其實比咩佢食都唔係好大問題呀!
最大問題係比咩佢佢都say no!未擺到入口就走左去啦!
係呢!各位!保兒加營素朱古力味會唔會好野啖呢!
因為我仔一傷風就會好多啖!

sidneywong

I know some kid take 保兒加營素 & it works, but 朱古力味 is very sweet. One consultant say that some doctor doesn't suggest take this milk because the kid will not take water later.

I let my kid take it before, but she had "fai gee" in the month, so I stop it. My kid only reach the 3% of the body weight curve. But she's clever & talk very much. So, I don't worry about her too much.

Of course, I want her to be fatter, but it's not controlled by ourselves. As long as we have put the effort & tried, then it's ok.

Don't worry.

ik1328

妳可以試下用模具把食物切出一些特別的形狀來吸引佢..  例如用曲奇餅模具按壓出來便可以了。 首先把 紅蘿蔔/ 薯仔 (其實很多食物都得 ) 先切片，再用模具按壓出圖案，如妳的孩子喜歡"車仔"，妳便買車仔圖案，煮好後像玩遊戲般叫佢一啖食左車仔....  希望能幫妳成功吸引佢

lingeverydaykis

您好，我個仔都係同你個仔一樣，唔肯食野，只係食D希粥，飯、菜、肉都唔肯試食，請問你個仔有改善嗎？可以分享嗎？謝謝！