囝囝好奇怪

alisoncheung

我最近發現當面教囝囝 , 跟佢說咁樣做唔好 , 要咁樣做才對 , 講好多次佢都當耳邊風 . 但係我和老師說他的事 , 而佢在旁聽到 , 事後佢做得不對 , 老師再提他 , 他便做得到 . 好似學游水 , 老師話佢腳伸不直 , 不能去水 , 下堂老師再提番佢 , 佢改咗有八成 . 都唔知點解 , 究竟佢係乜嘢心態 . 我其實覺得係呢到可能可以發掘到一個方法來教他 , 但係又唔係好掌握到和運用得自然 . 請問有冇過住的經驗可以教吓我 .

另外 , 唔知點解囝囝真係好固執 , 不論老師 , DADDY 和我都教佢計數時要個位對個位減 , 十位對十位減 , 唔好倒數 , 好易錯 , 佢好堅持咁跟我說 , 我係唔會用你個方法 , 我都唔知點講得佢聽 . 好似 20-13, 佢真係數手指由 20 倒數到 13 咁樣計出來 . 真係好頭痕 .

上中文堂時老師把他寫的詞語擦了 , 叫他再寫過 , 佢居然唔肯寫 , 重叫老師自己寫 , 結果老師嬲到不得了 . 其實我估佢係唔滿意老師擦咗佢 , 而且有時老師係會幫他寫的 , 不過不時每次都咁做 . 佢又容易喊 , 話兩句就喊 , 我可以點呢 ?

佢 9 月就升小一 , 我真係怕日日俾老師投訴 .

jacko

難得您願意不斷發掘新方法去教導囝囝，實在值得嘉許

囝囝可能是喜歡聽到老師的建議後，自己先想想建議是否有用或合理，之後才願意作出嘗試。也許下一次提醒囝囝時，可以給他多一點時間想想，而不用他立即執行。之後有機會，再提一提醒他。這樣，可能他會比較樂意試試您的意見吧。

至於計算時，仔仔比較喜歡用自己方法來運算的那件事，如果他可以用自已的方法計算得到答案，那不妨尊重他的個人習慣。到他發現那個方法計不到一些較難的題目時，自然較願意聽聽您的意見了。

而在中文堂囝囝跟老師相處的那件事，其實囝囝有「嬲」這個情緒是正常的﹝可能他很用心寫那些字，但寫完被老師擦掉。換轉是其他人，也會覺得「嬲」，對不對？﹞。下一次當您發覺囝囝表現出「嬲」這個情緒時，那便是個好機會去教囝囝如何適當的表達自己情緒了。正如「幼教102」的第6課「情緒篇」所說，您可以請囝囝用老師的角度去看看這件事，讓他了解老師的情緒。詳情可參考「幼教102」第6課內的「如何糾正孩子因情緒引發的行為問題？」和「幼教101」第3課內的「家長心法：處理情緒五大步」。