是自己管教不好還是其他問題?2個兒子

s0902130

你好~我星3個兒子的媽媽,分別6歲5歲及半歲,

大仔今年升小一,K3上學期取得品學兼優,但下學期有退步表現,
老師話他自大,而且動手動腳(打人)亦多O左,
我亦同佢傾過,佢明白自己唔O岩,但亦重覆做....
佢亦有重唔服輸性格,
玩遊戲輸亦會喊,如果人O地贏佢多次,佢就寧願唔同佢玩~
2仔問題就係佢學習上同情緒,
佢今年升K3,佢上堂好心散,老師亦講過,
我好想搵到佢興趣同了解佢情緒有咩問題,
好似今個暑假要做功課,
佢好抗拒,我有試過玩完再做,做完再玩又試過,
每當題做功課佢就會發脾氣,又會瞪住我,又講成日都做功課/寫名,真係好煩呀!
例如寫名,畀佢寫一個名,就畀佢玩,又係寫好耐,
如果擦佢,又會駁咀,做作業教佢做時又話唔洗我教,
做錯時又話我唔早D講,
畀過D堂佢上,佢又試過訓著覺,
佢表達能力亦差一點,佢唔識得組織一句,
所以有時候又會講我我我我要點XXXX咁,
家中太婆叫佢收拾玩具,叫好多次又唔收拾,
講講佢又對太婆講:關你咩事喎,真係好煩呀,
佢咁同長輩說話係唔O岩,叫佢道歉又唔做,
嫲嫲又會鬧埋一份,
講真我自己情緒都好容易受佢O地影響,

swordred2010

請問你係咪全職媽媽？如果唔係，咁平日係邊個湊佢地呢？如果你唔係自己湊，因為你有3個仔，一個唔好，其他都會跟住，所以建議你自己湊番好d。因為聽你講，d仔既問題都幾嚴重！

s0900025

「大仔今年升小一,K3上學期取得品學兼優,但下學期有退步表現,」
原因是不是因為多了個小弟弟，所以妒忌，害怕爸爸媽媽只愛弟弟，做父母自先不要責怪他，要諒解他的心情。

請問弟弟出世後，你是不是把全副精神也放在弟弟身上，而少了時間陪哥哥呢?所以你由現在開始一定要多啲照顧較大的哥哥，亦要留意他心靈，不要讓他感到被忽略。

s0900025

「佢亦有重唔服輸性格,玩遊戲輸亦會喊,如果人O地贏佢多次,佢就寧願唔同佢玩~」

其實你兒子五、六歲的孩子正處於對規則性遊戲最感興趣的年齡，玩此類遊戲最容易有勝負的問題。當他無法坦然面對輸於人時，難免會用賴皮、不玩了等逃避的方式來化解。

孩子有輸不起，或不能面對失敗結果的反應，也許出自於大人對失敗成功所賦予的定義，成功是否一定要贏過別人才算贏呢？成功是把一件事情盡心盡力的完成，而非把別人打敗。

父母多啲同兒子玩遊戲，有時都故意輸了他，而都表現很開心，告訴他︰我輸咗，但我都一樣很開心，因為可以同我的寶貝兒子一起玩遊戲已經我令我滿足，輸贏都唔緊要，最緊要係個過程很有樂趣 ……

失敗可能是未能達成預設的目標，但有時你會發現失敗反而讓我們獲得更多。經常和孩子分享父母成功與失敗的經驗，讓他們知道即使是父母也有失敗的時候，分享當時處理的方式及心路歷程，會讓孩子更了解父母，也更能思考成功與失敗的意義。

s0900025

「家中太婆叫佢收拾玩具,叫好多次又唔收拾,講講佢又對太婆講:關你咩事喎,真係好煩呀,
佢咁同長輩說話係唔O岩,叫佢道歉又唔做,嫲嫲又會鬧埋一份,」

孩子對待長輩的態度,直接受父母對待長輩態度的影響。父母就是孩子的一面鏡子，父母要幫老人做些家務，同老人共聚同樂，盡一份子女應盡的責任和義務。如此日長時久，孩子耳濡目染，潛移默化，也會逐步養成尊敬長輩，孝敬父母的好習慣。

s0902130

請問你係咪全職媽媽？如果唔係，咁平日係邊個湊佢地呢？如果你唔係自己湊，因為你有3個仔，一個唔好，其他都會跟住，所以建議你自己湊番好d。因為聽你講，d仔既問題都幾嚴重！ ...
swordred2010 發表於 2010-8-4 10:33

我而家係一個全職媽咪

s0902130

「大仔今年升小一,K3上學期取得品學兼優,但下學期有退步表現,」
原因是不是因為多了個小弟弟，所以妒忌，害怕爸爸媽媽只愛弟弟，做父母自先不要責怪他，要諒解他的心情。

請問弟弟出世後，你是不是把全副精神也放在 ...
s0900025 發表於 2010-8-4 11:16

其實我初初2-3個月真係幾乎放好多精神係細B身上,
一來出世又要留院一星期,
我又餵人奶,時間真係好密,
後來時間穩定D我都有同佢O地傾下計,
但講真時間唔係多.

s0902130

「佢亦有重唔服輸性格,玩遊戲輸亦會喊,如果人O地贏佢多次,佢就寧願唔同佢玩~」

其實你兒子五、六歲的孩子正處於對規則性遊戲最感興趣的年齡，玩此類遊戲最容易有勝負的問題。當他無法坦然面對輸於人時，難免會用賴 ...
s0900025 發表於 2010-8-4 11:43

其實每次輸我都會同佢講呢個玩,
最緊要係開心嘛,
媽媽都會輸,但我都唔會唔開心嘛,
但佢好多時同其他人玩(公公,表哥..)
因為佢O地成人贏,佢就寧願搵其他人玩.

s0902130

「孩子對待長輩的態度,直接受父母對待長輩態度的影響。父母就是孩子的一面鏡子，父母要幫老人做些家務，同老人共聚同樂，盡一份子女應盡的責任和義務。如此日長時久，孩子耳濡目染，潛移默化，也會逐步養成尊敬長輩，孝敬父母的好習慣。
s0900025 發表於 2010-8-4 11:59

其他我都同意你講法,
太婆只係O黎2個月,
我就同奶奶老爺同叔仔(唐氏仔),
我老爺要返工,都係見得少,
我見最多都係奶奶,
但我同奶奶真係無咩O野講,
未有BB前我都有做家務,
但有BB後都係我奶奶做,
我就只係佢忙唔得閒我就會主動做.

myrchan

不服輸, 每個孩子也會吧, 哭着不接受賽果, 大部分人都試過。我會玩之前約法三章, 孩子同意不會哭鬧, 才開始玩。

做功課嘛, 我孩子從來都不願抄抄寫寫, 但他不是抗拒寫字, 只是不喜歡重覆寫同樣的字, 你的孩子會不會是這樣?我的孩子會問我為甚麼要多次寫, 我說是為熟識那字, 他說他已曉得, 其實他所謂的曉得是他認到了那字, 他不明白為什麼要識寫。也是的, 他現在還未是寫作的時候。我便由得他, 轉校了。

如果了解孩子行為背後的原因, 便不用那麼生氣了, 也自然想到辦法。知道你要帶三個孩子, 真不容易, 我想像不到如果是我自己會是怎樣,但媽媽你要堅持, 多多了解一下他們吧。

s1006006

輸了會不開心是正常的反應
要接受,明白他的情緒.
並用另一個角度問,
玩遊戲的過程是否開心,
有人跟你玩,已贏了友誼
至於想贏,就應該積極去明白用方法去令自己贏


可能有幫助
要多多練習才會令孩子明白.

mrsclee

你有３個孩子，如有可能，請盡量分配時間同每個孩子單獨相處．
即使每日只有半小時，孩子都會很開心，因為那半小時媽媽只屬於他．

s0900025

其他我都同意你講法,
太婆只係O黎2個月,
我就同奶奶老爺同叔仔(唐氏仔),
我老爺要返工,都係見得少,
我見最多都係奶奶,
但我同奶奶真係無咩O野講,
未有BB前我都有做家務,
但有BB後都係我奶奶做,
我就只係佢忙唔得閒 ...
s0902130 發表於 2010-8-5 00:11

其實要做一個3個兒子的媽媽全職媽媽真很偉大，我也很明白你的立場，要在奶奶面前去教育3個兒子真得很不容易，因為上一代的教養方式與我們是不一致，奶奶對孫子比較寵溺，而我們對自己的孩子比較嚴格…… 兩代的教養態度差別大，EQ真是要很高，才能互相包容體諒，努力維持基本禮貌。加油！


所以建立良好婆媳關係技巧，也是我們生活中必須學習的重要課題。

大人的互動模式，必須要更謹慎與小心，因為大人們在孩子面前表現的言行，孩子自然會從這些言行舉止中，學習他們待人處世的技巧。婆媳關係良好，也才能給孩子一個快樂成長環境。