小孩子被刻意忽略

fishkarie

在別人小朋友的生日會上, 自己的女兒被主角刻意忽略 / 不理睬, 作為父母, 應在現場和事後怎樣安慰 / 教導女兒?

mrsclee

點解主角要咁做 ? 佢唔鐘意你個女, 點解又請佢黎 ?

iknorange03

可唔可以講吓當時既情況呀？

fishkarie

女兒與主角(大家均五歲左右)是在興趣班認識, 而非同校同學. 在上興趣班時, 她們相處是愉快的.  在生日會上, 除了我女兒外, 其他都是主角的同學, 均是我女兒不認識的.  可能我女兒只認識主角一個小朋友, 所以成日"冤"住佢, 要主角同佢玩同傾計.  人家唔可能只同我個女玩, 所以唔睬我個女啩?

我唔係要找出誰對誰錯, 我係唔識得handle (因我個女在現場哭了出來).

fafa

我都試過雷同你既情況，在生日會中只是認識其中一個，起初大家都不是太相熟，後來我就帶住個仔行埋d小朋友度同佢哋講我哋玩開火車好唔好，其實當時我都幾傻豬家，自己做火車頭，根住成班細路係我後面，之後佢哋就個個都想做火車頭，當然最開心當然係我個仔啦，終於有人同佢玩，呢個時候我就只需係側邊拍手唱歌佢哋已經玩得好開心。玩完呢個熱身遊戲後仔仔就會自然行埋去d小朋友度主動一齊坃。

s1007573

出現這個情况其實很常發生，我都試過，個女話其他人唔熟識(因為是隔離班同學，只熟識主角)。我那時候就解釋給女女聽出現這個情況的原因，然後家長要幫幫手找一兩個較nice的小朋友，鼓勵女女去認識其他新朋友，唔駛成日"冤"住主角。我又主動同佢哋玩吓(因為咁細的小朋友都鐘意同大人玩遊戲的e.g.猜皇帝,扮聲估動物呀。好快佢哋就融入，而我就功成身退啦。

s1006787

當小朋友三、四歲開始上學, 有社交時, 都會遇上類似問題。話說: 我亞囡同班有個女同學經常都說我亞囡係她好朋友, 亞囡都說她是好朋友。突然前幾天囡兒放學回家後, 跟我說: [xx同學說我不是她好朋友, yy同學才她好朋友。] 聽得出我囡當時唔開心, 她說: [我又沒有做錯事,  點解她唔當我是好朋友呀?]。我當時勸她唔駛唔開心, 全班同學仔都可以是妳好朋友的。