說話及社交能力

jacko

我個小朋友快23個月大男仔,學習同健康方面正常,但說話及社交能力極差,雖然無上N1,平時都會落樓下公園玩。

同同齡小朋友相處唔到,就算其他小朋友同佢一齊玩佢都會扯人件衫拉人隻手,有動作之如出手時仲會大叫,依家係樓下公園已經無朋友會同佢玩,因為佢次次都衝去其他小朋友度出手,就算係街路過嘅小朋友佢都唔放過,想伸手去拉人。

平時都係我同媽咪湊佢,同佢講左好多次要同小朋友細細力握握手,有玩具要一齊分享,講唔聽之後近來我動手打佢 PATPAT/手仔/大脾或者要佢罰企搾耳仔,每次罰完都會同佢講佢有咩錯下次唔好再犯,軟硬功都用過結果都係一樣,我仲可以做D乜野 =.=


您覺得以上個案那位爸爸的處理方法正確嗎？如果您的朋友有以上情況，您又會如何幫助他？

s0900025

我覺得爸爸的處理方法是錯的。

【近來我動手打佢 PATPAT/手仔/大脾或者要佢罰企搾耳仔,每次罰完都會同佢講佢有咩錯下次唔好再犯】

爸爸不應該打佢，爸爸媽媽要以身作則。因為要教他打人是不對的，但家長又要自己打佢，所以小朋友就會誤解為打人是可以的。

爸爸要先冷靜下來，俾多些耐心問問自己的孩子︰”為什麼要打其他小朋友?” 鼓勵孩子說出原因後，才想辦法幫孩子解決問題。

爸爸要教孩子有同理心，要佢從其他被打小朋友的角度去體會一下俾人打是會很痛的，真正明白佢打人的行為會如何影響他人，甚至會打到其他小朋友流血or 入醫院 … 等等。

爸爸媽媽要多些同佢講故事，俾佢明白到打人是永遠都沒有小朋友會陪佢玩，就會自己一個很孤獨。

爸爸媽媽不要用指責或命令式的語氣叫佢不好打人，可以很誠實地將自己的擔心講給孩子聽，俾佢知爸爸媽媽是不喜歡打人的孩子，佢打人的行為會爸爸媽媽會難過，或是會讓你擔心。只要語氣是平和的、態度是真誠的，孩子是很樂意體貼爸爸媽媽的，會聽爸爸媽媽的教導的。

iknbanana18

還有一點值得注意，就是獎勵通常都比懲罰有效。 亦要緊記在這階段的幼兒是有樣學樣：家長點做，他們就點做，照單全收。 如果幼兒有改善及進步，記得要獎勵。(例如：送貼紙)

我記得我囡囡兩歲幾時，佢都有被我罰企。 有一次，佢忽然間對我講：『如果Daddy唔俾我食糖，我罰你企架！』哈哈 ~~~ 我覺我佢真係好可愛！

s0903640

首先爸爸不要用打, 恐嚇方式去對待小朋友.
23個月大小朋友都仍是自我中心的時間, 要講道理都要用佢地明白方式.
爸爸可以用亙動對答或平日多些用布偶, 故事講及有關行為.
亦可透過朋友仔多d共處玩, 我想會好些.
以上個人愚見. 多多指教.

lokecat

小朋友成日想伸手拉人, 是否其表達方式不恰當?  跟本不知道扯人件衫拉人隻手此等行為可能嚇怕其他小朋友?
首先瞭解動機, 再告訴他其他小朋友不太喜歡你的行為.. 建議他用其他表達方式, 如笑容多些..  不過可能他太細個, 未必懂.    但是家長一定不可以用手打.. 這會令小朋友有錯覺, 凡事只要最後用"打"就能解決...